పరాన్నం అనబడే ..

తను ఎప్పుడూ
ఒకేలా కనబడుతుంది నాకు

వంటింట్లోనో,వాకిట్లోనో తన దేహం
ఎప్పుడూ ఏదోక వ్యాపకంలో

కంట్లో కనబడని నలుసులెన్నున్నా
ఒక నవ్వును నిరంతరం కన్నీళ్ళలో ఉంచుకుంటుంది

నాకో తనకో ఎప్పుడోకప్పుడు
కాసింత ఖాళీ దొరికితే తీరిగ్గా
పలకరించుకుందామని ఎన్నోసార్లు అనుకుంటాం

సాయంకాలం ఆకులపై కురిసే
ఆకుపచ్చని ఎండలా తను
స్వచ్చంగా మెరుస్తుంది

అలసిన ఆ వ్యక్తి మా అందరికీ తెలిసినా
తన ఉనికిని నిలబెట్టే
యత్నంలో
ఒక పరాన్నమయింది