వెన్నెల మట్టి

రాత్రులకు కలల కెమెరాలను తగిలున్చుకుని కొన్ని నక్షత్రాలను ముద్రించుకుందాం రా

వెన్నెలనంతా సముద్రపు ఒడ్డున పోసి బేరం పెడదామా తీరపు కెరటాలకు?

మన మనసులివిగో అంటూ పాకుడు హృదయాలను హత్తుకుపోదాం
ఇంకా ఇంకా

ఏదోరకంగా ఒక ఒప్పందం కుదుర్చుకోవాలి మంచు ఇళ్ళ కబ్జాకు
నువ్వూ నేనూ ఉండాలిగా

ప్రేమను వండే ఓ పాత్రా
మరియు ఇంకాసిని మనసు రేణువులనూ గురుత్వచలనం లేకుండా కట్టేద్దాం

తుమ్మెద దీపాలం
అడవి పువ్వులం
మూగ జీవాల ప్రేమలం
అంతే మనం