సిరా...

ఒక్కో అక్షరాన్ని ఇలానేగా మనసులో తడిపి రాసాం
కలాల కొవ్వుత్తులన్నీ తలపుల తలుపులపై వెలిగిస్తూనే ఉన్నాం

నరుక్కున్న చేతులు కనబడ్డా
రాత్రి పిట్టగోడ మీద ఒక పావురాయి 

కీచు కీచుమనే శబ్దం

శరీరము వింటుంది
నిండుగా పులుముకున్న చీకటి
నక్షత్రాలు పచ్చి పుళ్ళయి వంటి నిండా పాముపుకుపోయిన తురాయి

ఈ రాత్రి గడవనీ ఒక్కో జ్ఞాపకాన్నీ
అల్లుకుందామనే భరోసా
అస్తవ్యస్త కలలు ఒరుసుకున్న రెప్పల ఆకులు నిత్యం చూసే ఆకుపచ్చ బాల్కనీ

రెండే అడుగులు పక్క పక్కగా
ముందూ వెనుకా మమేకం
చువ్వల కిటికీలు నాలోంచి నన్ను భయటపడేయడం

వింతగా మాటలు
మెట్ల గుండా పైకొస్తున్న కుక్కపిల్ల
చరుచుకున్న జీవాలమై ఇద్దరం
అచేతన దృశ్యమై అల్లుకోవడం

ఎదురెదురు కంచాలలో ముద్దలు
కొన్ని ప్రేమలు కడుతూ
రాసిన సిరా చుక్క