నువ్వెవరో తెలియదు నీకప్పుడు
కరడుగట్టి నీ శరీరాన్ని కోస్తున్న చలి
ముఖం మీద కనబడే జీర
కళ్ళు పగిలినట్టు అనుభవమయ్యే క్షణం
ఒట్టిచేతులు శూన్యం తప్ప ఏమిలేదు వాటి మధ్యన
వణుకు నీకు తోడుగా పక్కన కూర్చోవడానికి ప్రయత్నిస్తుంటుంది
అప్పుడు నిన్ను నరికిన శబ్దం వినబడీ వినబడకుండా
నిన్ను నువ్వు పైకెగరేసుకుందామని చూస్తావు
మళ్ళీ ఒక ఆలోచన వెన్నులో గడ్డకట్టి
తోస్తూ లాగుతూ
బిగ్గరగా పేలాలని అంతర్మథనం
పీలికలుగా కనిపించడం బాగుంటుంది ఒక్కోసారి
నాలుకలు వేర్లలా నోట్లో పాతుకుపోవడం కొత్తేమి కాదు
ఇవ్వాళో రేపో అంతే
గదంతా చీకటి వాసన చుట్టేసినప్పుడు నిన్ను పూరించే మాటలకోసం వెతుక్కుంటావు చూడు గదంత మనసేసుకుని ఒక్కటీ అవగతమవ్వదు
ఇక అప్పుడు ఇంకో మరణం నీకు పోటిగా
ఉండిపో అలానే
పీలికలుగా కనిపించడం బాగుంటుంది ఒక్కోసారి
నాలుకలు వేర్లలా నోట్లో పాతుకుపోవడం కొత్తేమి కాదు
ఇవ్వాళో రేపో అంతే
గదంతా చీకటి వాసన చుట్టేసినప్పుడు నిన్ను పూరించే మాటలకోసం వెతుక్కుంటావు చూడు గదంత మనసేసుకుని ఒక్కటీ అవగతమవ్వదు
ఇక అప్పుడు ఇంకో మరణం నీకు పోటిగా
ఉండిపో అలానే
No comments:
Post a Comment