అ(నిశ్శబ్ధం)

1/నువ్వు నేను
రెండు శరీరాలు పక్కపక్కగా పడుకున్నపుడు నా చేతులు లతల్లా నిన్ను అల్లుకుంటాయి నువ్వు నాలో బంధీవి కావు ఓ బాంధవ్యంలా

2/నేను నీ ముఖాన్ని ఓ పసికూనలా అరచేతుల్లోకి తీసుకున్నపుడు నీ వెచ్చని శ్వాసకు నా కనురెప్పలు వాలిపోతుంటే
సహస్ర ఎడారుల్లో అప్పుడే తిరుగాడి అలసిపోయిన ఓ బాటసారిలా నేను నీ కౌగిళ్ళలో సేద తీరుతున్నట్టుగా

3/నా రెక్కలను అదిమినన్ను గట్టిగా హత్తుకున్నావు చూడు
క్షణాల్లో చనిపోవడం అంటే ఇదేనేమొ

4/నా ప్రాణం అంటూ ఏది లేని కొన్ని నిమిషాలు నీలో ఏకమైనప్పుడు
అప్పుడు నువ్వంటావు...
నేను లేకపోతే ఏంచేస్తావని

5/అన్నం జిగురులా పెగలని నా పెదవులు ఒక్కసారిగా నిశ్శబ్దంలో బిగ్గరగా రోదిస్తుంటే నీకు వినబడేలా...నన్ను దగ్గరకు తీసుకొని నువ్వంటావు
ఇప్పుడేమైదని ఇంకొన్ని క్షణాలు నీలోనే కరుగుతానుగా అని నువ్వంటుంటే

6/స్థంబించిన ఓ చెట్టులా నేను
భళ్ళున కూలి పడ్డట్టుగా అనిపిస్తుంది

7/ఇప్పుడు మళ్ళా ఒకసారి నీ పక్కగా పడుకోవాలి కొంచం ప్రేమను పులుముకోడానికి ఈ రాత్రికి.