పగుళ్ళ గోడపై దిద్దిన అక్షరాలు దుమ్ముపట్టి చిన్నప్పుడెప్పుడో నువ్వు దిద్దినవి
ఎవ్వరికీ అర్థం కాకుండా నీకు మాత్రమే తెలిసింది
భుజం మీద అంగుళం చిరుగు
ఖాళి సాలీడు గూటిలా
సగం కొరికిన పలక ఒకపక్కగా ఎన్నిసార్లు చెరిపావో ఉమ్మితో
రాళ్ళ గుల్లేరు నేలపై ఇంకిన గువ్వపిట్టల రక్తం
విరిగిన బలపం
కొత్త భావ చిత్రాలు నా నుండి
గాలి పటాల వర్ణననలు రంగు దారాల మధ్య
ఇప్పుడు అదే గోడ మీద సున్నపు పూతలు వాటి వెనకాల చెరగని అక్షరాలు
ఇంకా నిన్ను కప్పేస్తూ ఆ ఇంట్లో
No comments:
Post a Comment